...

"Azərbaycan Hava Yolları" QSC yeni təyyarələrin alınmasını gözləyir

Biznes və iqtisadiyyat xəbərləri Materials 17 Mart 2011 13:14 (UTC +04:00)

Azərbaycan, Bakı, 17 mart /Trend, müxbir E.İsmayılov/

İlin ikinci rübü ərzində "Azərbaycan Hava Yolları" QSC "Airbus-320" markalı daha iki təyyarənin alınmasını gözləyir. Bu barədə cümə axşamı QSC-nin mətbuat xidmətinin rəhbəri Məhərrəm Səfərli bildirib.

Bir müddət əvvəl QSC bu markadan olan dörd təyyarə alıb. Əvvəllər şirkətin dörd "Airbus-320" və iki "Airbus-319" təyyarəsi alacağı güman edilsə də, sonradan alınacaq bütün təyyarələrin "Airbus-320" markalı olması barədə qərar qəbul edildi. Sifarişə yenidən baxılmasının əsas səbəblərindən biri də təyyarələrin tutumu məsələsidir.

"Təyyarələrin bu ilin ikinci rübündə alınması nəzərdə tutulub", - Səfərli bildirib.

Təyyarələr QSC tərəfindən aparıcı Avropa şirkətlərinin krediti əsasında alınır. Bütün təyyarələr 2007-ci ildə istehsal edilib və artıq istismar olunub.

Xəbər lenti

Xəbər lenti