Gürcüstan, Tbilisi, 21 mart /Trend, müxbir N.Kirsxaliya/
"Herkules" Gürcüstan-Hindistan müəssisəsi yeni zəlzələyədavamlı armaturlar istehsal edəcək. Yeni texnologiyanın sınağı bazar günü metallurgiya zavodunda İmerti regionunun qubernatoru Laşa Makatsariyanın və Kutaisi meri Georgi Tevdoradzenin iştirakı ilə keçirilib.
Zavod nümayəndələrinin təqdimatda bildirdiklərinə görə, A500 tipli yeni armatur ixrac bazarları üçün nəzərdə tutulub və ona tələbat gündən-günə artır, çünki məhz belə armatur seysmoaktiv zonalarda və hündürmərtəbəli binaların tikintisində lazımdır.
Yeni istehsal texnologiyası onun möhkəmliyini artırır, buna görə də zəlzələyədavamlı yenilik üçün "Herkules" xüsusi terminal xətti alıb.
Hazırda zavodda 4 soba və 8 üzən aqreqat işləyir. Müəssisədə 400 nəfər çalışır. Zavod ilk məhsulunu 2010-cu ildə buraxıb.
