Azərbaycan, Bakı, 30 mart /Trend, müxbir Ü.İsmayılova/
Birinci rübü Azərbaycanda daşınmaz əmlak bazarı üçün ümumilikdə sabit kimi qiymətləndirmək olar, lakin eyni zamanda düşmə tendensiyası da müşahidə olunurdu. "MBA Group" konsaltinq şirkətinin baş direktoru, ekspert Nüsrət İbrahimov belə hesab edir.
"Hesab edirəm ki, ölkənin daşınmaz əmlak bazarında bu cür tendensiya qanunsuz tikililərin qeydiyyatı ilə bağlı xaotik dinamika başa çatanadək davam edəcək", - İbrahimov hesab edir.
Yaxın vaxtlarda Azərbaycanda qanunsuz fərdi evlərin qeydiyyatı mexanizminin hazırlanacağı gözlənillir. Qeyri-rəsmi məlumatlara görə, ölkədə belə tikililərin sayı 500 mindən çoxdur.
İbrahimovun fikrincə, bütün bu proseslərin başa çatmasından sonra bazar aktivləşə bilər, lakin bazardakı bugünkü risk səviyyəsini nəzərə alan potensial alıcılar və hətta iştirakçılar daha ehtiyatlı gözləmə siyasətinin tərəfdarıdırlar.
"Bütün bu proseslər nəticəsində Azərbaycanda yaşayış evlərinin tikintisi dinamikası ötən ilin analoji dövrünə nisbətən 10-13 faiz aşağı düşüb, qeyri-yaşayış binalarının tikintisi isə demək olar ki, 15-16 faiz artıb", - İbrahimov deyib.