Azərbaycan, Bakı, 15 aprel /Trend/
Yanvar-fevral aylarında Azərbaycana 252,2 min ton sement və sement klinkerləri idxal edilib ki, bu da ötən ilin analoji dövr göstəricisindən 30,7 faiz çoxdur. Bu barədə Dövlət Statistika Komitəsinin məlumatında deyilir. Yanvar- fevralda 11,5 milyon dollardan artıq sement və sement klinkeri idxal olunub ki, bu da 2010-cu ilin müvafiq dövr göstəricisindən 15,4 faiz çoxdur.
Yanvar-fevralda 94,2 min ton sement klinkeri idxal edilib ki, bu da ötən ilin analoji dövr göstəricisindən 34,6 faiz çoxdur. 4,15 milyon dollara yaxın isə klinker idxal edilib. Bu, 2010-cu ilin analoji dövr göstəricisindən 7,9 faiz çoxdur.
Yanvar-fevral ayları ərzində ölkəyə 158 min ton sement idxal edilib ki, bu da ötən ilin analoji dövr göstəricisindən 28,4 faiz çoxdur. Bu dövr ərzində 7,4 milyon dəyərində sement gətirilib ki, bu da 2010-cu ilin yanvar- fevralında qeydə alınan göstəricidən 20,1 faiz çoxdur.
Yanvar-martda Azərbaycanda 244,5 min ton sement istehsal edilib ki, bu da ötən ilin analoji dövr göstəricisindən 6 faiz çoxdur
