Azərbaycan, Bakı, 21 aprel /Trend, müxbir E.İsmayılov/
2010-cu ilin yekunları üzrə Azərbaycanla Ukrayna arasında mal dövriyyəsi 84 faiz artıb ki, bu da praktiki olaraq böhrandan qabaqkı dövr səviyyəsinə çatma deməkdir. Trend-in məlumatına görə, bu barədə cümə axşamı jurnalistlərə Ukrayna Baş nazirinin birinci müavini, iqtisadi inkişaf və ticarət naziri Andrey Klyuyev bildirib.
"Bu gün Bakıda iqtisadi əməkdaşlıq üzrə Azərbaycan-Ukrayna hökumətlərarası komissiyasının IX iclası keçiriləcək. Görüşdə energetika, maşınqayırma, kənd təsərrüfatı sahələrində əməkdaşlığın inkişafı məsələləri müzakirə olunacaq", - Klyuyev bildirib.
"Azərbaycanla Ukraynanı möhkəm iqtisadi əlaqələr birləşdirir və biz bu əlaqələri inkişaf etdirmək fikrindəyik", - o, deyib.