...

İİB Azərbaycanda layihələrin maliyyələşdirilməsinə yanaşmasını dəyişib

Biznes və iqtisadiyyat xəbərləri Materials 29 Aprel 2011 15:56 (UTC +04:00)

Trend-i buradan izləyin

Azərbaycan, Bakı, 29 aprel /Trend, müxbir İ.Xəlilova/

İslam İnkişaf Bankı (İİB) Azərbaycanda layihələrin maliyyələşdirilməsinə yanaşmasını dəyişərək bir layihə üçün verilən kreditin maksimal məbləğini artırıb. Bu barədə Trend-ə cümə günü hökumətdən deyiblər.

"Əvvəllər bir layihə üçün maliyyələşdirmənin limiti İİB tərəfindən 30-40 milyon dollar arasında müəyyən edilirdisə, indi bank bir layihə üçün 150 milyon dollaradək ayıra bilər", - hökumətdən bildiriblər.

Limitin artırılması sayəsində 2011-2013-cü illər üçün yeni əməkdaşlıq strategiyasının hazırlanması çərçivəsində layihələrin böyüdülməsi - bir neçə layihənin birləşdirilməsi təklif olunmuşdu. "Və hətta bu halda İslam İnkişaf Bankının payına 65,6 milyon dollar, Beynəlxalq Kənd Təsərrüfatı İnkişaf Fonduna (IFAD) 19,7 milyon dollar düşdüyü 102,8 milyon dollar dəyəri olan kənd təsərrüfatı layihələrində olduğu kimi, maliyyələşdirilməyə digər beynəlxalq institutların cəlb edilməsi nəzərdə tutulmamışdı", - hökumətdəki mənbə bildirib.

Yeni proqramda maliyyələşdirilməsinə digər beynəlxalq maliyyə institutlarının cəlb edilə biləcəyi layihələr yoxdur.

Layihələrin maliyyələşdirilməsinə yanaşmanın dəyişməsi ilk dəfə olaraq banka Azərbaycanla əməkdaşlıq proqramının dəyərini xeyli artırmağa imkan verib. 2014-cü ilədək İİB ölkədə layihələrin həyata keçirilməsinə orta hesabla 1,4 milyard dollar ayırmağı planlaşdırır.

Yeni proqrama 13-ə yaxın layihə daxildir. 9 layihədən ibarət qüvvədə olan proqramın dəyəri 460 milyon dollar təşkil edir.

Azərbaycan 1992-ci ildən İİB-yə üzvdür və hazırda bankın ölkə üzrə portfeli 700 milyon dollara çatır. Bankın kapitalında ölkənin iştirak payı 0,13 faiz təşkil edir.

İslam İnkişaf Bankı 1975-ci ildə təsis edilib. Yarandığı vaxtdan bankın kapitalı on beş dəfə artaraq, iki milyard İslam dinarından 30 milyard İslam dinarına (İslam dinarı İİB-nin hesab vahididir və Beynəlxalq Valyuta Fondunun bir xüsusi kredit hüququna ekvivalentdir) çatıb.

Xəbər lenti

Xəbər lenti