Azərbaycan, Bakı, 5 may /Trend, müxbir İ.Xəlilova/
Özəl Sektorun İnkişafı üzrə İslam Korporasiyasının (ICD, İslam İnkişaf Bankı qrupuna daxildir) təsis etdiyi Azərbaycanın lizinq şirkəti "Ansar Leasing" müxtəlif mənbələrdən - yerli və xarici investorlardan vəsaitlər portfelinin şaxələndirilməsini planlaşdırır. Bu barədə cümə axşamı Trend-ə şirkətin baş direktoru Ceyhun Nağıyev bildirib.
Bu günə "Ansar Leasing"in portfeli 200 əqd üzrə 9 milyon dollara yaxın təşkil edir, ilin sonunadək isə onun 15 milyon dollaradək çatdırılması planlaşdırılır.
"Lizinq şirkəti vəsaitləri əsasən yerli banklardan cəlb edir. Ona görə ki, sərmayədarlar bunun üçün əlavə zəmanət tələb edirlər və nəticədə xərclər qoyuluşları çox yüksək olan yerli banklardan vəsaitlərin cəlb edildiyi kimi olacaqsa, üstünlük sonuncuya veriləcək", - Nağıyev deyib.
Onun sözlərinə görə, Azərbaycan bazarında lizinq xidmətləri üzrə yüksək dərəcələr məhz ucuz vəsaitlərin olmaması ilə bağlıdır.
"Biz yerli bazarda nisbətən əlverişli dərəcələr üzrə vəsaitlər cəlb edirik. Əgər bank dərəcələrinin azalması üzrə böyük tendensiya gedərsə, onda biz də tariflərə yenidən baxacağıq. Lakin hələlik kommersiya baxımından bazarı belə şərtlər qane edir", - Nağıyev hesab edir.
"Ansar Leasing" şirkətinin şərtlərinə görə, lizinq layihələri üzrə ilkin ödəniş 20 faizdən, 12-dən 72 aya qədər müddətə başlayır, əməliyyatlar dollarla aparılır.
Azərbaycan Vergilər Nazirliyi 12 dekabr 2008-ci il tarixdə "bir pəncərə" vasitəsilə "Azərbaycan Lizinq Şirkəti" MMC-nin (ticarət markası "Ansar Leasing") dövlət qeydiyyatını aparıb. Şirkətin yeganə təsisçisi qismində İslam Korporasiyası çıxış edir. Şirkət fəaliyyətə 2009-cu ilin iyunundan başlayıb, ilk müqavilə elə həmin ilin oktyabrında bağlanıb.
Korporasiya 1999-cu ildə Ciddədə İİB Direktorlar Şurasının 24-cü illik toplantısında yaradılıb. ICD-nin baş qərargahı Səudiyyə Ərəbistanının Ciddə şəhərindədir.
ICD-nin səlahiyyətlərinə şəriət prinsiplərinə uyğun olaraq üzv ölkələrin iqtisadi inkişafına özəl sektorun inkişafının dəstəklənməsi vasitəsilə yardım edilməsi daxildir. Özəl Sektorun İnkişafı üzrə İslam Korporasiyası özəl müəssisələrin yaradılması, genişləndirilməsi və modernləşdirilməsinə yardım edilməsi üçün hökumət və özəl qurumlara məsləhətlər də verir.
İslam İnkişaf Bankı (İİB) 20 oktyabr 1975-ci ildə yaradılıb. Mənzil-qərargahı Ciddə şəhərindədir. Bankın regional ofisləri Rabatda, Kuala-Lumpurda var. İİB-in Almatıda nümayəndəlik ofisi də var.