Azərbaycan, Bakı, 10 may /Trend, müxbir N.İsmayılova/
Azərbaycanın "Milli Kart" prosessinq mərkəzinin, "DəmirBank", "Unibank"ın və "Golden Pay" sisteminin elektron ticarət sisteminə hazırda təxminən 70 nəfər qoşulub. Bu barədə çərşənbə axşamı Trend-ə "DəmirBank"ın idarə heyətinin sədri Roman Əmircanov deyib.
"Elektron hökumət" layihəsinin həyata keçirilməsi ölkədə elektron ticarəti daha da inkişaf etdirməyə imkan verəcək, çünki bu sahə yüksək potensiala malikdir. Bizim sistemdən istifadə edənlərin sayı 4 min müştərini ötür", - Əmircanov qeyd edib.
Onun sözlərinə görə, bank tərəfindən "Bill Pay" xidmətinin tətbiqi də xidməti daha rahat edib, çünki indi sistem parametrlərin çoxunu yadda saxlayır ki, bu da prosesi asanlaşdırıb.
Bu sistemin tətbiqi Azərbaycan sahibkarlarına internet vasitəsilə ticarət etməyə, eləcə də plastik kartlar vasitəsilə ödənişləri qəbul etməyə imkan verəcək. Bu sistem ödənişi həm yerli, həm də xarici emitentlərin kartları ilə qəbul etməyə imakn verir. Belə əməliyyatlar üçün yüksək təhlükəsizlik səviyyəsi lazımdır ki, buna görə də 3D Secure kartlarla bağlı müftəlif növ fırıldaqlardan yayınmağa imkan verəcək.
Texniki dəstəyi bilavasitə prosessinq mərkəzi özü göstərir. "Visa" və "Mastercard"ın tamhüquqlu üzvləri olan Azərbaycanın "DəmirBank" və "UniBank" bankları klirinq əməliyyatları aparırlar. Onlayn-ödəniş Golden Pay sistemi ilə təmin edilir.