Azərbaycan, Bakı, 20 may /Trend, müxbir N.İsmayılova/
Avqustda Bakının Sulutəpə qəsəbəsində gündəlik gücü 25 ton olan çörəkbişirmə zavodu istismara veriləcək. Bu barədə cümə günü jurnalistlərə TEL şirkətinin nümayəndəsi Tofiq Əliyev deyib.
"Şirkətimizin sutkda gücü 200 tona çatan un istehsalı üzrə fabriki var və yeni iş yerlərinin yaradılması məqsədilə çörəkbişirmə zavodunun açılışı barədə qərar qəbul edilib", - Əliyev bildirib.
Onun sözlərinə görə, zavodda müasir alman texnologiyaları tətbiq ediləcək. Avadanlıq tədarükçüsü ilə müqavilə artıq bağlanıb və avadanlıq mayın sonunda zavoda çatdırılacaq.
"Zavodun tikintisi avqustada başa çatacaq", - Əliyev bildirib.
Layihənin dəyəri 1,5 milyon manatdır. Bunun 1 milyon manatı Sahibkarlığa Kömək Milli Fondunun (SKMF) güzəştli krediti hesabına ödənilib.
Kredit 5 il müddətinə iki il güzəştli dövr olmaqla və illik 6 faizlə verilib.
Mayın 20-nə olan rəsmi məzənnə 0,7902 AZN/USD təşkil edir.