Azərbaycan, Bakı, 21 may /Trend, müxbir A.Axundov/
Azərbaycan Dövlət Gömrük Komitəsinin (DGK) məlumatına görə, yanvar-apreldə nəqliyyat vasitələri ilə 19,492 milyon tona yaxın yük daşınıb ki, bu da 2010-cu ilin analoji dövr göstəricisindən 18,08 faiz çoxdur. Bu barədə şənbə günü Trend-ə komitədən məlumat verilib.
Bu dövr ərzində yüklərin ixracı 11,801 milyon ton, idxal isə 2,985 milyon ton təşkil edib.
İlk dörd ay ərzində dəniz nəqliyyatı ilə 69,743 min ton, dəmiryol - 1,003 milyon ton, avtomobil - 183,932 min ton, hava nəqliyyatı ilə 181, 932 min ton yük daşınıb. Stasionar nəqliyyat vasitələri ilə nəql isə 10,36 milyon ton təşkil edib.
Dəniz nəqliyyatı ilə 384,783 min ton, dəmiryol - 2,042 milyon ton, avtomobil - 543,356 min ton, hava nəqliyyatı ilə 6,293 min ton idxal edilib.
2011-ci ilin ilk dörd ayı ərzində Azərbaycan ərazisindən tranzitlə 4,706 milyon ton yük daşınıb.
