Azərbaycan, Bakı, 24 may /Trend, müxbir A.Axundov/
Aqrar sektorda Azərbaycan və Niderlandın əməkdaşlığı böyük potensiala malikdir. Trend-in məlumatına görə, bu barədə çərşənbə axşamı iki ölkənin kənd təsərrüfatı şirkətlərinin nümayəndələrinin iştirakı ilə keçirilən biznes-forumda Niderlandın Azərbaycandakı səfiri Aryen Piter Uyterlinde bildirib.
"Niderland kənd təsərrüfatı sahəsində zəngin təcrübəyə malikdir və bu sahədə Azərbaycan ilə əməkdaşlıqda maraqlıdır", - Uyterlinde deyib.
Çərşənbə axşamı Bakıda Azərbaycan nazirlikləri və Azərbaycanda İxracın və İnvestisiyaların Təşviqi Fondunun (AZPROMO) dəstəyi ilə iki ölkənin işgüzar dairələrinin görüşü keçirilib.
Səfirin sözlərinə görə, bu tədbirə hazırlıq artıq çoxdan gedir və o, ikitərəfli əlaqələrin gələcək inkişafında yaxşı təməl olacaq.
Mayın 23-dən tərkibində Niderlandın təxminən 20 kənd təsərrüfatı şirkətinin əməkdaşlarının olduğu nümayəndə heyəti Azərbaycanda səfərdədir. Səfər mayın 26-dək davam edəcək.
Niderland şirkətləri geniş fəaliyyət dairəsini, eləcə də bostançılığı, qida sahəsini, heyvandarlığı, əkinçiliyi və gülçülüyü təmsil edirlər.
Biznes-forumda aşağıdakı şirkətlərin nümayəndələri iştirak edirlər:
|
Şirkətlərin adları |
Fəaliyyət sahəsi |
|
DSM |
Heyvanlar üçün yem istehsalı |
|
Provimi |
Qida konsentratlarının istehsalı |
|
Schils |
Süd əvəzedicilərinin istehsalı |
|
Source Food |
Ərzaq məhsullarının istehsalı |
|
Bosch Inveka Wilk van der Sande |
İstixanalar |
|
Bom Greenhouses |
İstixanalar |
|
Dalsem |
İstixanalar |
|
Avalon |
Üzvi əkinçilik |
|
Next Fruit Generation |
Meyvələrin yetişdirilməsi |
|
Global Plant Holland |
Tropik ağacların yetişdirilməsi |
|
Bakker Brothers |
Şitil yetişdirilməsi |
|
MPS |
Sallaqxalar üçün avadanlıq |
|
Pluriton |
Quşçuluq |
|
Cowhouse |
Mal-qara üçün pəyə |
|
JOZ |
Peyintəmizləmə sistemi |
|
Ottevanger |
Taxıl emalı |
|
Farm Service |
Südsağan texnika |
|
Ganlok |
Kartof emalı üçün avadanlıq |