Azərbaycan, Bakı, 27 may /Trend, müxbir N.İsmayılova/
Cümə günü İqtisadi İnkişaf Nazirliyinin Sahibkarlığa Kömək Milli Fondu (SKMF) Füzuli rayonunun və ətraf rayonların 33 sahibkarına 3,5 milyon manat məbləğində güzəştli kredit verilib. Trend-in məlumatına görə, bu barədə İqtisadi İnkişaf Nazirliyinin cümə günü yaydığı məlumatda deyilir.
Bu kreditlər hesabına 70-dən çox yeni iş yerinin yaradılması nəzərdə tutulur. Tədbir Füzuli rayonunun 130-dan çox sahibkarının iştirakı ilə Horadizdə keçirilib.
Tədbir çərçivəsində "ASA LTD" MMC-yə məxsus tutumu 5 min ton olan soyuducu anbar kompleksində aparılan tikinti işlərinə baxış keçirilib.
2011-ci ildə SKMF 51 milyon manat məbləğində 669 kredit verib. Kreditlər 43,7 milyon manat məbləğində 38 iri layihəni və 7,3 milyon manat məbləğində 631 kiçik layihəni əhatə edib. 2011-ci il üüçn 125 milyon manta məbləğdə güzəştli kredit planlaşdırılıb.
Mayın 27-nə olan rəsmi məzənnə 0,7896 AZN/USD təşkil edir.