Azərbaycan, Bakı, 13 iyun /Trend, müxbir A.Axundov/
Mayda Azərbaycanın Daşınmaz Əmlakın Dövlət Reyestri Xidmətinin arxiv saxlancının 871 491 ədədindən 375 376 ədədi və ya 43,1 faizi tam olaraq elektron məlumat bazasına daxil edilib. Bu barədə dövlət xidmətindən məlumat verilib.
Bu göstərici üzrə ən yaxşı vəziyyət Sumqayıt ərazi idarəsindədir. Orada arxiv sənədlərinin 73,1 faizi rəqəmsallaşdırılıb. Yevlaxda sənədlərin 70,0 faizi, Xaçmazda 64,7 faizi, Gəncədə 62,6 faizi elektron şəklə salınıb.
"Bu gün dövlət xidmətinin arxivində bir əsr bundan əvvəl tərtib edilən sənədlər saxlanılır. Bununla əlaqədar, eləcə də xidmətin işində operativliyin artırılması və əlavə vaxt itkisinə yol verməmək məqsədilə arxivlərin elektronlaşdırılmasına ehtiyac yaranır", - xidmətdən qeyd ediblər.
Hələ ki Sumqayıt, Şəmkir, Şamaxı, Cəlilabad, Ucar, Bərdə, Yevlax və Qəbələ ərazi idarələrində arxiv sənədlərinin elektron formasının yaradılması və sənədlərin bu formada təhlükəsizliyinin təmini üçün lazımi işlər görülüb.
Belə ki, Azərbaycanda həyat keçirilən "Daşınmaz əmlakın qeydiyyatı layihəsi" çərçivəsində Danimarkanın "Blominfo" şirkəti artıq bu ərazi idarələrində 2006-cı ilədək tanınanları elektron formaya salıb və bazaya mülkiyyət hüququ haqqında mətn məlumatını daxil edib. Bakıdan başqa, qalan ərazi idarələrində bu məlumatlar artıq emal edilib, indi onların elektron məlumat bazasına daxil olması üzrə işlər aparılır.
Bakı şəhər ərazi idarəsində bu məlumatların emalı üzrə işlər gedir.
2006-cı ildən sonra məlumatlar bazasında sənədlər həm kağız, həm də elektron formatda saxlanılıb.
Milli qeydiyyat sistemi yaradıldıqdan sonra bazadan istifadə edə bilən dövlət qurumları (Vergilər Nazirliyi, FHN, prokurorluq, məhkəmə orqanları, bələdiyyələr və s.) onlayn rejimdə bazaya daxil ola və oradan lazımi informasiyanı əldə edə bilərlər.
"Gələcəkdə bu sistemə notariuslar qoşulduqdan sonra vətəndaşların reyestrdən arayış almasına ehtiyac qalmır. Bu proses də onlayn rejimdə həyata keçirilir", - dövlət xidmətindən bildiriblər.
Dövlət xidmətinin ərazi idarələrində müasir tələblərə cavab verən sənədlərin saxlanması üçün yerlər yaradılıb. 2011-ci il aprelin 1-nə ərazi idarələrində olan 871 491 sənəddən yeni üsulla yeni qovluqlara 717 184 sənəd yığılıb.