Azərbaycan, Bakı, 14 iyun /Trend, müxbir E.İsmayılov/
Yayın sonunadək Nəqliyyat Nazirliyi Bakıda "Məşədi Əzizbəyov" metrostansiyası yaxınlığında yerləşən iri yol kompleksini istismara verməyi planlaşdırır. Trend-in məlumatına görə, bu barədə nazirliyin mətbuat xidmətinin rəhbəri Namiq Həsənov deyib.
Onun sözlərinə görə, hazırda tikinti işləri davam edir, daha bir körpünün tikintisi aparılır.
"Bu layihə çərçivəsində işlərin həcmi kifayət qədər çoxdur və tikinti işləri hələ də davam edir. Lakin yayın sonunadək başa çatacaq", - Həsənov bildirib.
Yol qovşağına 9 körpü və 11 yol daxildir.