Azərbaycan, Bakı, 2 iyul /Trend, müxbir A.Axundov/
Mayda Bakının qeyri-yaşayış obyektləri bazarında və kommersiya məqsədləri üçün istifadə olunan mənzillərin icarə haqqı ay ərzində müvafiq olaraq 0,3 faiz və 0,1 faiz azalıb. Bu barədə şənbə günü Trend-ə "Əmlak Bazarı İştirakçıları" İctimai Birliyindən məlumat verilib.
Mayda qeyri-yaşayış sahələri bazarında alqı-satqı sövdələşmələrinin sayı 3,6 faiz artıb. Bu dövr ərzində təklif 2,3 faiz artıb.
Daşınmaz əmlak bazarında baş verən proseslərə baxmayaraq, hələ də risq səviyəsinin sabitləşməsi müşahidə olunur, buna səbəb icarə qiymətlərinə nisbətdə gəlirlilik əmsalının möhkəmlənməsidir.
Bakının qeyri-yaşayış sahələrinin orta qiymətləri mayda 2896 dollar təşkil edib. Aparılan araşdırmalara görə, 2010-cu ilin analoji dövrünə nisbətən qiymətlər 1,8 faiz, bundan əvvəlki rüblə müqayisədə isə 0,9 faiz artıb.
Bazara orta qiymətdən aşağı (bir kvadratmetri 2896 dollar) təklif olunan qeyri-yaşayış obyektlərinin payı qeyri-yaşayış obyektləri bazarının ümumi portfelinin 52,1 faizini təşkil edib.
Mayda qeyri-yaşayış obyektlərinin qiymətlərində artım Bakının heç bir rayonunda müşahidə olunmayıb, 0,4 faizlik əhəmiyyətli azalma isə Sabunçu və Suraxanı rayonlarında baş verib.
2011-ci ilin mayında qeyri-yaşayış obyektləri əsasən fərdi tikililərdən və yenitikililərin birinci və ikinci mərtəbələrindəki mənzillərdən ibarət olublar.
...
