Azərbaycan, Bakı, 8 iyul /Trend/
Kapital Bank əməkdaşlarının fəaliyyətinin planlaşdırılması və nəticələrin qiymətləndirilməsi prosesi başa çatdı. Bu barədə cümə günü bankın yaydığı məlumatda deyilir.
Prosesin sonuncu mərhələsi iyulun 2-də "Hyatt Recency" hotelinin Quba zalında bankın baş ofisində çalışan əməkdaşlar üçün keçirilib.
Fəaliyyətin planlaşdırılması və nəticələrin qiymətləndirilməsində məqsəd Kapital Bankda çalışan işçilərin öz vəzifələri üzrə bilik və bacarıqlarını müəyyənləşdirməkdən, onların peşəkar inkişafını düzgün istiqamətləndirməkdən, fəaliyyətin səmərəliliyini artırmaqdan, bankda karyera imkanlarını genişləndirməkdən ibarət olub.
Mayın 22-dən başlanmış prosesdə indiyə qədər Kapital Bankın struktur bölmələrində çalışan 1600-ə yaxın əməkdaş iştirak edib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
