...

İlin I yarısında Bakıda 3 mindən çox POS-terminal quraşdırılıb - vergilər naziri

Biznes və iqtisadiyyat xəbərləri Materials 13 İyul 2011 14:15
Vergilər Nazirliyi ilin əvvəlindən Mərkəzi Bank və digər aidiyyəti qurumlarla birgə ticarət və xidmət sahələrində POS-terminalların quraşdırılması işini sürətləndirib.
İlin I yarısında Bakıda 3 mindən çox POS-terminal quraşdırılıb - vergilər naziri

Trend-i buradan izləyin

Azərbaycan, Bakı, 13 iyul /Trend, müxbir A.Axundov/

Azərbaycan Vergilər Nazirliyi ilin əvvəlindən Mərkəzi Bank və digər aidiyyəti qurumlarla birgə ticarət və xidmət sahələrində POS-terminalların quraşdırılması işini sürətləndirib. Trend-in məlumatına görə, bu barədə vergilər naziri Fazil Məmmədov Azərbaycan Prezidenti İlham Əliyevin sədrliyi ilə Nazirlər Kabinetinin 2011-ci ilin birinci yarısının sosial-iqtisadi inkişafının yekunlarına həsr olunmuş iclasında çıxışı zamanı bildirib.

Bu barədə çərşənbə günü rəsmi mətbuatda yayılan məlumatda bildirilir.

"Altı ay ərzində təkcə Bakıda 3 mindən artıq POS-terminal quraşdırılıb", - Məmmədov deyib.

Onun sözlərinə görə, eyni zamanda, stasionar telefon rabitəsinin olmadığı obyektlərdə mobil rabitə vasitəsilə çalışan POS-terminalların ölkəmizə gətirilməsi üçün banklarla danışıqlara başlanılıb.

"Artıq belə aparatların bir qismi gətirilərək obyektlərdə quraşdırılması təmin edilib", - Məmmədov deyib.

Onun sözlərinə görə, vergitutma bazasını genişləndirməyin ən əsas yollarından biri də sahibkarlıq subyektlərinin fəaliyyətində şəffaflığın artırılması, nağdsız hesablaşmalara üstünlük verilməsi, müasir dünyanın istifadə etdiyi ödəniş alətlərinin tətbiqinin genişləndirilməsidir.

Xəbər lenti

Xəbər lenti