...

Azərbaycanda iri çörək zavodunun tikintisi başa çatır

Biznes və iqtisadiyyat xəbərləri Materials 14 İyul 2011 18:15 (UTC +04:00)

Azərbaycan, Bakı, 14 iyul /Trend, müxbir N.İsmayılova/

Azərbaycanda gücü ildə 16,9 min ton olan çörək zavodunun tikintisi başa çatır. Bu barədə cümə axşamı Trend-ə zavodu tikən "VAQA LTD" şirkətinin nümayəndəsi məlumat verib.

Azərbaycan İqtisadi İnkişaf Nazirliyi yanında Sahibkarlığa Kömək Milli Fondu (SKMF) zavodun tikintisinə 1,3 milyon manat məbləğində kredit ayırıb.

"Bu gün zavodda yalnız bir istehsal xətti buraxılıb, ikinci xətt yığım prosesindədir. Bu gün bir xəttin gücü ildə 10-15 ton təşkil edir, ikinci xətt işə salınandan sonra o, 25-30 tona çatacaq", - zavodun nümayəndəsi bildirib.

Zavodda istehsal edilən məhsul Bakıda çörəyə olan tələbatın 20 faizini ödəyir.

"Zavodda milli ənənələr və Avropa standartları nəzərə alınmaqla 14 növ çörək istehsal olunur", - nümayəndə deyib.

SKMF-nin icraçı direktoru Şirzad Abdullayevin sözlərinə görə, bu gün Fond ümumi gücü ildə 68 min tona yaxın olan beş çörək zavodunun tikintisini maliyyələşdirir.

İyulun 14-nə olan rəsmi məzənnə 0,7865 AZN/USD təşkil edir.

Xəbər lenti

Xəbər lenti