Azərbaycan, Bakı, 20 iyul /Trend, müxbir A.Axundov/
2011-ci ilin birinci rübündə Azərbaycanın "Paşa Sığorta" şirkəti tibbi sığorta sayəsində 30,88 faiz və ya 1 milyon133 856,19 manat həcmində sığorta mükafatlarının yığımını təmin edib. Şirkətin məlumatında belə deyilir. Xidmətlərin bu növünə ödənişlərin böyük hissəsi düşüb: şirkət hesabat dövründə KTS üzrə 675 173,13 manat ödəyib ki, bu da ödənişlərin ümumi həcminin 62,1 faizini təşkil edir.
Ümumilikdə, yanvar-iyun aylarında "Paşa Sığorta"nın yığımları 3 milyon 671 440,3 manat olub, 1 milyon 087 308,58 manat həcmində ödəniş həyata keçirilib. Ötən ilin analoji dövrü ilə müqayisədə yığımlar 6,11 faiz azalıb, ödənişlər 0,65 faiz artıb.
Məlumata əsasən, 3 ay ərzində şirkətin yığımlarının ümumi həcmi 1,953 milyon manat təşkil edib, halbuki ödənişlərin həcmi 0,422 milyon manata çatıb.
Şirkət ölüm halından sığorta üzrə 25 651 manat yığıb, bu dövrdə ödəniş edilməyib.
"Paşa Sığorta" avtonəqliyyat vasitələrinin sığortası üzrə 830 799,72 manat yığıb (mükafatların 22, 63 faizi), ödənişlər 251 488,81 manat (ödənişlərin bütün həcminin 23,13 faizi) təşkil edib.
İlk altı ay ərzində şirkət bədbəxt hadisələrdən və xəstəliklərdən sığorta üzrə 52 247,88 manat yığıb, 76,9 manat ödəyib, hava nəqliyyat vasitələrinin sığortası - 8 684,95 manat, ödəniş 14 465,77 manat olub. Dəniz gəmilərinin sığortası - 20 318,6 manat (ödənişsiz), yüklərin sığortası - 39 989,55 manat (18 947,37manat ödəniş), tibbi sığorta - 657 724 manat (312 013 manat ödənişlə), vətəndaş məsuliyyətinin sığortası üzrə 389 771,92 manat (14 576,81 manat ödəniş), əmlak sığortasının digər növləri üzrə 1 059 805,46 manat (57 353,79 manat ödəniş) təşkil edib.
"Paşa Sığorta" nəqliyyat vasitələri sahiblərinin icbari sığortası üzrə 8 422 manat məbləğində sığorta haqqı yığıb, 5 170 manat ödəniş edib. Yanğından icbari sığorta üzrə 98 825,33 manat (ödənişsiz), icbari ekoloji sığorta üzrə - 3 068 manat sığorta haqqı yığılıb.
Ölüm hallarından həyat sığortası üzrə 25 650,7 manat yığılıb, 50 056 manat ödənilib. "Paşa Sığorta" həyat sığortası ilə bu ilin martına qədər məşğul ola bilər, çünki "Sığorta fəaliyyəti haqqında" qanuna uyğun olaraq 2011-ci ilin martında Non-life şirkətləri üçün həyat sığortası müqavilələrinin imzalamaq müddəti başa çatır.
Bir müddət əvvəl Azərbaycanın sığorta şirkəti "Paşa Sığorta" idarə heyətinin sədri Nofəl Rzayevin Trend-ə verdiyi məlumata görə, "Paşa Sığorta" SŞ bu il 10,5-11 milyon manat həcmində sığorta mükafatları yığmağı planlaşdırır ki, bu da 2010-cu ilin göstəricisini 7,27 faiz üstələyəcək. Ötən il də şirkət belə proqnozlara malik idi, lakin nəticədə 13,05 milyon manat mükafat yığıldı.
Rzayevin sözlərinə görə, şirkət yığımların həcmi üzrə şirkətlərin renkinqində qalxmağı qarşısına vəzifə qoymayıb. "Biz daha çox özümüzü müştərinin bizə necə yanaşması ilə qiymətləndiririk", - o deyib.
"Paşa Holding" qrupunun üzvü olan "PAŞA Sığorta"2006-cı il martın üçündə qeydiyyata alınıb. Şirkət sığortanın 30 növü üzrə korporativ və fərdi müştərilərə xidmət göstərir.Şirkətin nizamnamə kapitalı 30 milyon manatdır. Kapitallaşmanın həcminə görə, şirkət ölkənin sığorta bazarının lideridir.
İyulun 20-nə rəsmi məzənnə 0,7864 AZN/USD təşkil edir