Azərbaycan, Bakı, 24 avqust /Trend, müxbir N.İsmayılova/
"PAŞA Bank" ilin sonunadək Gürcüstanda nümayəndəlik açacaq. Bunu çərşənbə günü "PAŞA Bank"ın idarə heyətinin üzvü və baş maliyyə administratoru Şahin Məmmədov bildirib.
"Gürcüstanda nümayəndəliyin açılmasına icazə artıq alınıb və bütün hazırlıq işlərinin ilin sonunadək başa çatacağı gözlənilir", - Məməmdov deyib.
Onun sözlərinə görə, bankın Gürcüstanda nümayəndəliyin açılmasına dair qərarı korporativ müştərilərlə və onların regiondakı biznesi ilə əlaqədardır. Bank bu bazara perspektivli və inkişaf etməkdə olan bazar kimi baxır.
"Bankın digər ölkələrdə, eləcə də İsveçrədə nümayəndəliyinin açılması barədə məsələ hələ də danışıqlar mərhələsindədir, ona görə də konkret müddət barədə danışmaq hələ tezdir", - Məmmədov deyib.
Onun sözlərinə görə, İsveçrədə nümayəndəliyinin açılmasında əsas məqsəd Private Banking xidmətlərinin göstərilməsidir və bu məsələ bankın 2012-2015-ci illər üzrə strategiyasında əks olunacaq.
"PAŞA Bank" 2007-ci ilin iyununda yaradılıb və 2007-ci il 28 yanvar tarixindən Azərbaycan Mərkəzi Bankının lisenzioyası əsasında fəaliyyət göstərir.
"PAŞA Bank" ASC Pasha Insurance, PASHA Life, Pasha Travel və Pasha Construction ilə birgə klassik deyil, faktiki olaraq investisiya şirkəti olan Pasha Holding-in tərkibinə daxildir. Pasha Group-un strukturuna holdinqə səhmlərinin 99,75 faizinin daxil olduğu Kapital Bank da daxildir.
"Pasha Bank" ASC "PAŞA Holdinq" şirkətlər qrupuna daxildir. Bankın səhmlərinin 60 faizi "PAŞA Holdinq", 30 faizi "ADOR ltd", 10 faizi isə Arif Paşayevə məxsusdur.
