Azərbaycan, Bakı, 20 sentyabr /Trend, müxbir A.Axundov/
Azərbaycanın Marketinq Cəmiyyəti ölkənin Mədəniyyət və Turizm Nazirliyinə turizm bazarının marketinq araşdırmalarının keçirilməsində öz xidmətlərini təklif edir. Bu barədə jurnalistlərə cəmiyyətin rəhbəri Rəhim Hüseynov məlumat verib.
"Bu yaxınlarda biz Mədəniyyət və Turizm Nazirliyinin nümayəndələri ilə danışıqlar aparmışıq və ümid edirik ki, onlarla uzunmüddətli layihələrə malik olacağıq. Biz əvvəllər turizm bazarının marketinq araşdırmasını aparmışıq, indi biz onu daha sistemli etmək istəyirik və öz təklifimizi nazirliyə təqdim etmişik", - Hüseynov deyib.
Onun sözlərinə görə, cəmiyyət qeyri-neft sektorunun üç istiqamətində - İKT, turizm, kənd təsərrüfatı üzrə araşdırmalar aparır.
"Kənd təsərrüfatı sektoru üzrə iki ildən bir qədər çoxdur ki, DB-nin layihəsi çərçivəsində Kənd Təsərrüfatı Nazirliyi ilə iş aparırırq və biz aqrar sektor üzrə marketinq informasiyalarının verilməsi sistemini yoluna qoymuşuq ", - Hüseynov bildirib.
