Azərbaycan, Bakı, 26 sentyabr /Trend, müxbir A.Axundov/
2011-ci ilin əvvəlindən torpaq bazarında başlayan qiymət stabilləşməsi avqust ayında və sentyabr ayının ötən yarısında da davamlı olub. Bu barədə bazar ertəsi Trend-ə "MBA Group" konsaltinq şirkətinin baş direktoru Nüsrət İbrahimov bildirib.
"2011-ci il avqust ayı ərzində Bakıda 1 sot torpağın orta qiyməti 2,5% artaraq 20 173 dollar səviyyəsində qərarlaşıb", - İbrahimov deyib.
Onun sözlərinə görə, zonalar üzrə qiymətlər müxtəlif templə dəyişib, mərkəzdənkənar və şəhərətrafı torpaq sahələrində qiymətlərin davamlı artımı müşahidə edilir.
Zonalar |
iyul 2011, $/sot |
avqust 2011, $/sot |
Orta qiymət dəyişməsi, % |
I zona |
281 567 |
284 804 |
1,1 |
II zona |
174 626 |
180 677 |
3,5 |
III zona |
24 135 |
24 456 |
1,3 |
IV zona |
5 211 |
5 346 |
2,6 |
İbrahimov bildirib ki, bazarda təklif olunan ən bahalı sahə Nəsimi rayonunda (333 min dollar), ən ucuz isə Qaradağ rayonundadır (379 dollar).