Azərbaycan, Bakı, 3 noyabr /Trend/
Azərbaycanın Vergilər Nazirliyində Latviyanın "Baltikums Līzings" lizinq şirkətinin nümayəndəliyi dövlət qeydiyyatından keçib. Bu barədə cümə axşamı Nazirliyin rəsmi saytının "bir pəncərə" bölməsində məlumat verilir.
Şirkətin nümayəndəliyi oktyabrın 20-də qeydiyyata alınıb və Bakıda yerləşəcək. Şirkətin nümayəndəsi Qriqoryevs Mixails (Grigorjevs Mihails), təsisçisi Latviyanın "Baltikums Līzings" şirkətidir.
"Baltikums Līzings" lizinq şirkətinin 100 faizlik səhmdarı "Baltikums Bank AS"dir. Bank Riqada yerləşən çoxlu sayda törəmə müəssisələrin əsas səhmdarıdır və "Baltikums" (konsern) qrupuna daxildir, eləcə də assosiasiya olunmuş müəssisədə yatırıma malikdir.
Bu gün Azərbaycanda lizinq şirkətləri "AqroLizinq" dövlət lizinq şirkəti və lizinq xidmətləri göstərən 22 özəl lizinq şirkəti və bankı tərəfindən göstərilir. Ölkədə lizinq əməliyyatları portfeli 2003-cü ildəki 2,5 milyon dollardan 2010-cu ildə 165 milyon manatdək artıb.
Noyabrın 3-nə rəsmi məzənnə 0,7868 AZN/USD təşkil edir.
