Azərbaycan, Bakı, 14 noyabr /Trend, müxbir A.Axundov/
Azərbaycanın sığorta şirkəti "Paşa Sığorta" yeni beşillik strategiya üzərində hazırlığı gələn ilin martında başa çatdıracaq. Bu barədə bazar ertəsi Trend-ə şirkətin İdarə heyətinin sədri Nofəl Rzayev deyib. Əvvəl strategiya üzərində işin 2011-ci ilin noyabrında başa çatdırılması planlaşdırılırdı.
"Paşa Sığorta" şirkəti hazırda Almaniyanın "Allianz" sığorta şirkətinin modeli üzrə biznes qurur", - Rzayev bildirib. Buna qədər şirkət fəaliyyətini üçillik biznes-plan əsasında planlaşdırırdı.
Rzayevin sözlərinə görə, strategiyanın əsas istiqaməti bütün inkişaf istiqamətləri üzrə universal sığorta evi modelinin tətbiqidir.
"Hazırda Azərbaycanda bazarın seqmentləşməsi prosesi gedir, icbari sığorta növləri üzrə ixtisaslaşan şirkətlər, riteyl yaranır və s. Üç il əvvəl bu olmayıb. Hazırda model biznesimiz "Allianz" universal sığorta evi modelinə söykənir. Bu gün bizim sığorta bazarında etdiklərimiz praktiki olaraq "Allianz"ın Almaniyada və bütün dünyada etdiyi və buna davam etdiyi ilə uyğunluq təşkil edir. Hazırda biz bu modeli öyrənirik. Biz bu modeli son üç ilin fəaliyyətinə tətbiq edirik", - Rzayev deyib.
Onun sözlərinə görə, dekabrın 1-nə şirkətin gələn il üzrə biznes-planı hazır olacaq.
"Paşa Holdinq"in üzvü olan "Paşa Sığorta" 2006-cı il martın 3-də qeydiyyata alınıb. Şirkət 30-dan çox sığorta növü üzrə korporativ və fərdi müştərilərə xidmətlər göstərir. Şirkətin nizamnamə kapitalı 30 milyon manatdır. Kapitallaşma səviyyəsinə görə şirkət ölkənin sığorta bazarının lideridir.
Noyabrın 14-nə olan rəsmi məzənnə 0,7866 AZN/USD təşkil edir.