Azərbaycan, Bakı, 5 dekabr /Trend, müxbir N.İsmayılova/
2011-ci il noyabrın əvvəlinə olan məlumata görə, Azərbaycan banklarının ümumi aktivləri oktyabrda 0,5 faiz azalaraq 13,503 milyard manat təşkil edib. Trend-in məlumatına görə, bu barədə bazar ertəsi Azərbaycan Mərkəzi Bankının statistik hesabatında deyilir. Bu göstərici maksimal həcminə sentyabrın yekunu üzrə cari ildə çatıb ki, bu da 13 567,6 milyon manat təşkil edib.
10 ayın yekunu üzrə bankların investisiya qoyuluşları sentyabra nisbətən 2,3 faiz artaraq 1,3 milyard manat təşkil edib. Ölkənin maliyyə sektoruna ayrılan kredit və depozitlərin həcmi 592 milyon manat, müştərilərə verilən kreditlər 8,84 milyard manat, hesabat dövründə müxbir hesablarına ayrılmiş vəsaitlər 978,8 milyon manat, Azərbaycan banklarının nağd vəsaitləri isə 521,2 milyon manat təşkil edib.
2011-ci il noyabrın 1-nə olan məlumata görə, Azərbaycan banklarının ümumi öhdəlikləri oktyabrda 0,6 faiz azalaraq 11,16 milyard manat təşkil edib. Onlardan 6,08 milyard manat depozitlərin, 4,3 milyard manat isə maliyyə bazarından kredit və depozitlərin alınmasının payına düşüb.
Dekabrın 5-nə olan rəsmi məzənnə 0,7865 AZN/USD təşkil edir.
