Azərbaycan, Bakı, 22 dekabr /Trend, müxbir N.İsmayılova/
Qiymətli kağızlar bazarında korporativ idarəetmənin təkmilləşdirilməsi üzrə Azərbaycanın Mülki Məcəlləsinə dəyişikliklər layihəsi Milli Məclisə 2012-ci ildə təqdim ediləcək. Bu barədə cümə axşamı jurnalistlərə Azərbaycanın Qiymətli Kağızlar üzrə Dövlət Komitəsinin sədr müavini İlqar Muradov bildirib.
Dəyişikliklər layihəsi Azərbaycanda korporativ idarəetmənin müasir standartlarının tətbiqinə texniki dəstək proqramı çərçivəsində (ACGP) Beynəlxlaq Maliyyə Korporasiyası (BMK) ilə birgə hazırlanıb.
"Bu gün düzəlişlər hökumətdə müzakirə mövzusudur və gələn il ölkənin parlamentinə təqdim ediləcək", - Muradov deyib.
Bu dəyşikliklər korporativ sektora yönəlib və qanunvericiliyin təkmilləşdirilməsinə, eləcə də Azərbaycana daha çox investisiyaların cəlb olunmasına kömək edəcək.