Azərbaycan, Bakı, 7 yanvar /Trend müxbir A.Axundov/
Azərbaycan Maliyyə Nazirliyi daşınmaz əmlakın istifadəsi zamanı icbarı mülki məsuliyyət sığortası üzrə sığorta mükafatlarının məbləğinin hesablanması qaydalarını açıqlayıb. Qaydalar "İcbarı sığortalar haqqında" yeni qanun çərçivəsində təsdiqlənib. Sığorta şirkətləri qanunun tətbiqinə 2011-ci il dekabrın 16-dan başlayıblar.
Bu növ üzrə 1 il müddətinə bağlanan müqavilə zamanı bu növ üzrə sığorta məbləği risk qrupuna uyğun müəyyən edilir. Risk qrupu isə öz növbəsində, daşınmaz əmlakın mövcud olduğu iqtisadi fəaliyyətin növündən asılıdır.
Risk qrupu |
Sığorta məbləği (manat) |
1 |
30 |
2 |
60 |
3 |
90 |
4 |
120 |
İnzibati bina onların sahiblərinin və ya faktiki sahibi olan digər şəxslərin həyata keçirdiyi iqtisadi fəaliyyətin növündən asılı olmayaraq, birinci risk qrupuna aiddir.
Əmlakın risk qrupu iqtisadi fəaliyyətin növündən asılı olaraq aşağıdakı kimi müəyyən edilir:
Risk qrupu |
İqtisadi fəaliyyət növü |
1 |
Maliyyə və sığorta fəaliyyəti |
Dövlət idarəsi və mühafizəsi, icbari sosial təminat |
|
Toxunulmazlıq hüququna malik təşkilatların fəaliyyəti |
|
Daşınmaz əmlakla bağlı əməliyyatlar |
|
2 |
İnzibatı və dəstək xidmətlərinin göstərilməsi |
Təhsil |
|
Peşəkar, elmi və texniki fəaliyyət |
|
İnformasiya və rabitə |
|
Digər sahələrdə xidmətlərin göstərilməsi |
|
Əhaliyə tibbi və sosial xidmətlərin göstərilməsi |
|
İstirahət, əyləncə və incəsənət sahəsində fəaliyyət |
|
3 |
Kənd təsərrüfatı, meşə təsərrüfatı və balıqçılıq |
Nəqliyyat və anbar təsərrüfatı |
|
Topdan və pərakəndə ticarət, avtomobil və motiskletlərin təmiri |
|
Su təchizatı, çirkab suların və tullantıların təmizlənməsi |
|
4 |
Elektrik enerjisi, qaz, buxar və kondisiyalaşdırılmış hava ilə təminat |
Emal sənayesi |
|
Mənzilin təşkili və ictimai yaşayış |
|
Hasilat sənayesi |
|
Tikinti |
Bu növdən başqa, yeni qanun icbari sığortanın 3 növünü - daşınmaz əmlak, sərnişinlərin icbarı fərdi sığortası və avtomobil nəqliyyatı vasitələri sahiblərinin mülki məsuliyəti (OSAQO) sığortasını tənzimləyir.
Bu növlər üzrə polisləri İcbarı Sığorta Bürosunun iştirakçıları olan şirkətlər sata bilərlər. Büronun təsisçiləri 6 şirkətdir - "Paşa Sığorta", "Atəşgah Sığorta", "Ata Sığorta", AXA MBASK, "Xalq Sığorta" və "Standard Insurance". Daha sonra büroya "AzSığorta" üzv qəbul edilib.
"AzSığorta" istisna olmaqla, bütün bu şirkətlər icbarı sığortanın 3 növü - OSAQO, daşınmaz əmlak və daşınmaz əmlakın istifadəsi zamanı mülki məsuliyyət üzrə xidmətlər göstərəcək. "Atəşgah Sığorta" ancaq OSAQO üzrə işləyəcək. Yəni bu gün Azərbaycanda sərnişinlərin icbarı sığortası hələ işləmir.
İnzibati qanun pozuntuları haqqında məcəlləyə uyğun olaraq, Azərbaycanda icbarı sığorta növləri üzrə sığorta müqaviləsi bağlanmamasına görə cərimələr fiziki şəxslər üçün 10 manat, vəzifəli şəxslər üçün 60-80 manat, hüquqi şəxslər üçün isə 150-200 manat həcmində müəyyən edilib.
Yanvarın 7-nə olan rəsmi məzənnə 0,7865 AZN/USD təşkil edir.