...

Azərbaycan bankı "Unibank" kart məhsullarının inkişafına görə MasterCard mükafatını alıb

Biznes və iqtisadiyyat xəbərləri Materials 26 Yanvar 2012 12:43 (UTC +04:00)
Azərbaycanda kart məhsullarının inkişafında uğur və nailiyyətlərinə görə "Unibank" ASC "MasterCard International" beynəlxalq ödəniş sisteminin nüfuzlu mükafatına layıq görülüb.
Azərbaycan bankı "Unibank" kart məhsullarının inkişafına görə MasterCard mükafatını alıb

Azərbaycan, Bakı, 26 yanvar / Trend/

Azərbaycanda kart məhsullarının inkişafında uğur və nailiyyətlərinə görə "Unibank" ASC "MasterCard International" beynəlxalq ödəniş sisteminin nüfuzlu mükafatına layıq görülüb. Trend-in məlumatına görə, bu barədə bankın cümə axşamı yaydığı məlumatda deyilir.

2011-ci ilin nəticələrinə görə Bank ölkədə bu sistemə aid olan kartların sahiblərinin sayının ən böyük artımı - "Fastest Growing MasterCard MaestroCard Base in Azerbaijan" nominasiyasında qalib gəlib. Müştərilərə göstərilən xidmətlərin rahat və əlverişli şərtləri, habelə onların hər birinin ehtiyaclarına fərdi yanaşma hesabına "Unibank" bu kart sahiblərinin sayını 2011-ci ildə 2,2 dəfə artırıb. Bu zaman premium seqmentinə aid olan "MasterCard Gold" və "MasterCard Platinum" kartları üzrə satışlar xüsusi təsir bağışlayır. Son iki il ərzində bu növ kartların emissiyası 3,5 dəfədən çox artıb, onlar üzrə qeydə alınan nağdsız əməliyyatların həcmi üzrə artım isə 660% təşkil edib.

"MasterCard İnternational"-dan aldığımız mükafat bir daha onu göstərir ki, "Unibank" Azərbaycanda plastik kartlardan istifadə mədəniyyətini inkişaf etdirir", - deyə İdarə Heyəti sədrinin müavini, Bankın pərakəndə xidmət üzrə Direktoru Faiq Zeynalov qeyd edir. Onun sözlərinə görə, bu gün ödəniş kartlarının daha fəal istifadəçiləri orta gəlir səviyyəsinə malik olan vətəndaşlardır. Zeynalovun fikrincə, bunlar - hərtərəfli marağa, fəal həyat mövqeyinə malik olan, maliyyə bazarının yeniliklərini qəbul edən, eyni zamanda bank xidmətlərinin sürətinə və keyfiyyətinə qarşı tələbkar olan müştərilərdir. "Biz çox şadıq ki, məhz "MasterCard" kartlarının sahibləri olan tələbkar müştərilər xidmətlərimizdə maraqlıdırlar", - o bildirir. Zeynalovun proqnozlarına görə, "Unibank" 2012-ci ildə də ölkədə "MasterCard" ödəniş kartlarının emissiyasının artım sürətinə görə liderliyi özündə saxlamağa hazırdır.

Xatırladaq ki, Bank 2007-ci ildə "MasterCard" plastik kartlarının emissiyasına başlamış, 2008-ci ildə isə bu beynəlxalq ödəniş sisteminin ekvayeri olub. "Unibank"-ın kart layihələri alış-verişdə xüsusi fəallıq göstərən, tez-tez səyahət edən, nağdsız hesablaşmaları vəsaitlərin nağd pula çevrilməsindən üstün tutan, İnternet-mağazaların xidmətlərindən geniş istifadə edən müştərilərə yönəldilib. Hər bir "Unibank" plastik kartının sahibi 100-dən artıq pərakəndə satış məntəqələrində, ticarət şəbəkələrində, otellərdə, restoranlarda, nüfuzlu butiklərdə və salonlarda, turizm agentliklərində əhəmiyyətli güzəştlərdən faydalanmaq imkanına malikdir. Bankın kart məhsulları barədə daha ətraflı məlumat almaq, habelə on-lain rejimində kartları sifariş etmək üçün http://unibank.az/az/private-clients/plastic-cards/ istinadından istifadə edin.

Yanvarın 26-na olan rəsmi məzənnə 0,7863 AZN/USD təşkil edir.

Xəbər lenti

Xəbər lenti