Azərbaycan, Bakı, 3 fevral / Trend müxbir E.İsmayılov/
Heydər Əliyev Beynəlxalq Aeroportu onlarla reysin təxirə salınması və geçikməsindən sonra təyyarələrin qəbulunu və yola salınmasını tədricən həyata keçirir. Bu barədə cümə günü Trend-ə aeroportdan bildirilib.
Məlumata görə, Bakı-London, Bakı-İstanbul, Bakı-Naxçıvan, Bakı-Dubay, Bakı-Moskva kimi reyslər qeydiyyatdan keçir.
Bakı-Almatı, Bakı-İstanbul, Bakı-Dubay reyslərinin qeydiyyatı başa çatıb.
Aeroportdan deyildiyi kimi, bu gün paytaxta Kiyev-Bakı, Sankt-Peterburq-Bakı, Almatı-Bakı, İstanbul-Bakı, Dubay-Bakı reysləri üzrə təyyarələr daxil olub.
Bir qədər əvvəl Ekologiya və Təbii Sərvətlər Nazirliyinin Milli Hidrometeorologiya Departamentindən Trend-ə verilən məlumata görə, Bakıda şaxtalı hava şəraiti fevralın 5-dək davam edəcək.