Azərbaycan, Bakı, 15 fevral /Trend/
Azərbaycan Beynəlxalq Bankı Azərbaycan Respublikasının Mərkəzi Bankından 5 il müddətinə 150 milyon manat məbləğində subordinasiya kreditini cəlb edib.
Beynəlxalq Bankın mətbuat xidmətindən çərşənbə günü Trend-ə verilən məlumata görə, xüsusi subordinasiya borc öhdəliyi "Bank kapitalının və onun adekvatlığının hesablanması Qaydaları"na uyğun olaraq I dərəcəli kapitala aid edilir.
Beləliklə, Azərbaycan Beynəlxalq Bankı uzunmüddətli dövlət maliyyə resurslarından istifadə etməklə özünün kapitalizasiya və likvidlik səviyyəsinin artırılmasına nail olacaq.