Azərbaycan, Bakı, 16 fevral/Trend müxbir N. İsmayılova/
Azərbaycanda lisenziyalaşdırma və icazə sistemi prosesinin tənzimlənməsi üçün yaxın müddətdə Beynəlxalq Maliyyə Korporasiyasının dəstəyi ilə yaradılan informasiya biznes portalı işə düşəcək. Trend-in məlumatına görə, bu barədə cümə axşamı portalın təqdimatında iqtisadi inkişaf nazirinin müavini Niyazi Səfərov bildirib.
"Hazırda portalın yaradılması üzrə BMK ilə birgə işlər aparılır" , - nazir müavini qeyd edib.
Qeyd edək ki, portalın yaradılması ilk növbədə informasiya-kommunikasiya texnologiyaları sahəsində qabaqcıl nailiyyətlərin geniş tətbiqi yolu ilə ölkə vətəndaşlarının, eləcə də sahibkarların biznesin aparılması üçün lisenziya və icazələr sahəsində məlumatlılıq səviyyəsinin daha da yüksəldilməsini təmin edəcək.
