...

Azərbaycan ərazisi ilə yükdaşımalar 13 faizdən çox artıb

Biznes və iqtisadiyyat xəbərləri Materials 18 Fevral 2012 15:02 (UTC +04:00)

Trend-i buradan izləyin

Azərbaycan, Bakı, 18 fevral /Trend müxbir A. Axundov/

2012-ci ilin yanvarında Azərbaycan ərazisindən nəqliyyat vasitələri ilə təxminən 4,74 milyon ton yük daşınıb ki, bu da əvvəlki ilin analoji göstəricisindən 13,3 faiz çoxdur. Trend-in məlumatına görə, bu barədə şənbə günü Azərbaycan Dövlət Gömrük Komitəsinin (DGK) məlumatında deyilir.

Bu dövr ərzində yük ixracatı 2,347 milyon ton, idxalatı isə 0,803 milyon ton təşkil edib.

Yanvarda dəniz nəqliyyatı ilə 21,97 min ton, dəmir yolu ilə 215,44 min ton, avtomobil nəqliyyatı ilə 39,7 min ton, hava yolu ilə 280,9 min ton yük ixrac edilib, stasionar nəqliyyat vasitələri ilə daşınmalar isə 2,07 milyon ton olub.

Dəniz nəqliyyatı ilə 129,17 min ton, dəmir yolu ilə 537,63 min ton, avtomobil nəqliyyatı ilə 130,13 min ton, hava nəqliyyatı ilə 1,25 min ton yük idxal edilib.

2012-ci ilin yanvarında Azərbaycan ərazisindən tranzit yolu ilə təxminən 1,588 milyon ton yük daşınıb.

Xəbər lenti

Xəbər lenti