Azərbaycan, Bakı, 7 may /Trend, müxbir Ə.Həsənov/
Bakı Fond Birjası (BFB) ölkənin Mərkəzi Bankı yanında fəaliyyət göstərən Azərbaycan İpoteka Fondunun (AİF) 3 milyon manat həcmində faizli, sənədsiz, təmin edilməmiş, adlı istiqrazlarının emissiyasının növbəti hissəsinin yerləşdirilməsinə hazırlaşır. Bu barədə bazar ertəsi Trend-ə BFB-dən məlumat verilib.
İstiqrazlar cari ilin may ayının 10-da yerləşdiriləcək. Sifarişlər 100,4667 faiz qiyməti ilə təqdim ediləcək. İstiqrazların ödənilməsi 2022-ci il yanvarın 22-nə təyin edilib.
Yerləşdirmə 2012-ci ilin yanvarında illik üç faiz dərəcəsi ilə hər bir istiqrazın nominal qiyməti 1000 manat olan 30 milyon manat həcmində qeydə alınan emissiyadan həyata keçirilir.
Bu emissiyadan istiqazların yerləşdirilməsi cari ilin mart ayının 15-də başlayıb və hazırda yerləşdirilən istiqrazların məbləği 8 milyon manat təşkil edir.