Azərbaycan, Bakı, 21 may /Trend, müxbir A.Axundov/
Bakıda Dünya Bankının (DB) nümayəndələrinin iştirakı ilə Milli Təhsil Strategiyasının hazırlanması çərçivəsində məsləhətləşmələr keçiriləcək.
Bu məqsədlə Bakıya DB-nin Azərbaycanda təhsilin inkişafı üzrə ikinci layihəsinin rəhbəri Meskerem Mulatunun rəhbərlik etdiyi missiya gələcək. Bu barədə Trend-ə bazar ertəsi DB-nin Bakı nümayəndəliyindən bildiriblər.
"Məsləhətləşmələrdə iştirakla yanaşı, layihənin icmalı da keçiriləcək", - bankdan deyiblər.
Səfər mayın 28-də başlayacaq və iyunun 7-də başa çatacaq.
"Layihə çərçivəsində işlər qrafikə uyğun aparılır", - bankdan bildiriblər.
