Azərbaycan, Bakı, 21 may / Trend, müxbir A.Axundov /
Azərbaycanda həyat sığortası ilə məşğul olmaq hüququna malik olan üç şirkət Paşa Həyat, Atəşgah Həyat və Qala Həyat 2012-ci ilin yanvar-aprelində life sığortanın bütün növləri üzrə 16,6 milyon manat mükafat toplayıblar ki, bu da ötən ilin analoji dövründəkindən 68,36 faiz çoxdur. Bu barədə Maliyyə Nazirliyinin 2012-ci ilin yanvar-aprelində sığorta şirkətlərinni fəaliyyəti haqqında bazar ertəsi dərc olunmuş hesabatında deyilir.
Bununla yanaşı şirkətlərin yığımlarının ümumi həcmində həyat sığortası üzrə mükafatların payı il ərzində 14,86 faizdən 14,34 faizədək azalıb.
Habelə aşağıdakı növlər üzrə ödəmələr də artıb: 2012-ci ilin yanvar-aprelində 349,72 min manat ödəmə həyata keçirilib ki, bu da ötən ilin analoji dövründəkindən 7,45 dəfə çoxdur.
2012-ci ilin 4 ayı ərzində şirkətlər istehsalatda bədbəxt hadisələrdən icbari sığorta üzrə 10,936 milyon manat həcmində mükafat toplayıblar. Bu ötən ilin eyni dövrünün göstəricisindən 25,57 faiz çoxdur.
İl ərzində könüllü həyat sığortası üzrə yığımlar 4,94 dəfə artaraq 5,663 milyon manata çatıb. Həyat sığortası seqmentində yığımların böyük hissəsi, ömrün qalan hissəsisinin sığortasının (4,955 milyon manat) payına düşüb. Yerdə qalan hissə ölüm hadisəsi üzrə (0,71 milyon manat) həyat sığortasının hesabına təmin olunub. Yanvar-apreldə həyat sığortasının könüllü növləri üzrə 0,227 milyon manat həcmində, icbari növlər üzrə 0,12 milyon manat ödəmə həyata keçirilib.
2012-ci ilin 4 ayı ərzində ölkədəki bütün sığorta şirkətlərinin mükafatlarının ümumi həcmi 115,77 milyon manat (il ərzində artım 74,51 faiz), ödəmələr isə 26,46 milyon manat (artım 49,75 faiz) təşkil edib.
