Azərbaycan, Bakı, 3 iyul /Trend, müxbir N.Kirsxaliya/
2012-ci ilin birinci yarısında Gürcüstana 1 690 494 turist gəlib (2011-ci ilin analoji dövrü ilə müqayisədə 53 faiz çox). Bu barədə çərşənbə axşamı Trend-ə Gürcüstan Milli Turizm Agentliyinin nümayəndəsi bildirib.
2011-ci ilin yanvar-iyun aylarında Gürcüstana 1 105 034 turist səfər edib.
Hesabat dövründə Gürcüstana turistlərin əksəriyyəti Türkiyə (657 339), Azərbaycan (383 384), Ermənistan (294 951), Rusiya (154 629), Ukrayna (28 819) və İrandan (33 710) gəliblər.
Aİ ölkələrindən və ABŞ-dan səfər edən turistlərin sayı da xeyli artıb. Polşa, Böyük Britaniya, Almaniya və Fransa vətəndaşlarının sayı, müvafiq olaraq, 46, 20, 22 və 13 faiz artıb. Bu dövr ərzində ABŞ-dan gələn turistlərin sayı 21 faiz çoxalıb.
Agentliyin nümayəndəsinin sözlərinə görə, iyunda turustlərin sayı 390 809 nəfər olub ki, bu da 2011-ci ilin analoji dövrü ilə müqayisədə 71 faiz çoxdur. Bu müddət ərzində Türkiyədən gələn turistlərin sayı ötən ilin iyun ayına nisbətən 2,45 dəfə artıb.
Rusiya, İran, Polşa, Ukrayna, Ermənistan və Azərbaycandan gələn turistlərin sayı, müvafiq olaraq, iki dəfə, 58 faiz, 59 faiz, 56 faiz, 34 faiz və 32 faiz artıb.