Azərbaycan, Bakı, 5 sentyabr /Trend, müxbir A.Axundov/
Azərbaycan dünya iqtisadiyyatının rəqabət qabiliyyəti reytinqində doqquz pillə yüksəlib. İllik reytinq Dünya İqtisadi Forumu (World Economic Forum) tərəfindən tərtib edilir. Trend-in məlumatına görə, bu barədə çərşənbə günü forumun hesabatında deyilir.
Hazırda ölkəmiz reytinqdə 46-cı yerdə qərarlaşıb.
Mövcud göstəriciyə əsasən, Azərbaycan MDB məkanında liderdir. Belə ki, reytinqdə Qazaxıstan 51-ci, Rusiya 67-ci, Ukrayna 73-cü, Ermənistan isə 82-ci yeri tutur.
Azərbaycanla qonşu ölkələrdən Türkiyə 43-cü, İran 66-cı, Gürcüstan isə 77-ci mövqedədir.
Ötən il olduğu kimi reytinqə İsveçrə başçılıq edir.