Azərbaycan, Bakı, 11 sentyabr /Trend, müxbir Ə.Həsənov/
Beynəlxalq Maliyyə Korporasiyası (IFC) cari ilin noyabr ayının 5-də Direktorlar Şurasının iclasında "AccessBank"a 15 milyon manat həcmində kredit ayırmaq məsələsini nəzərdən keçirməyi planlaşdırır. Trend-in məlumatına görə, bu barədə çərşənbə axşamı IFC-nin yaydığı məlumatda deyilir.
"Kredit vəsaiti Azərbaycanda mikro, kiçik və orta sahibkarlığın inkişafı üçün nəzərdə tutulub", - məlumatda qeyd edilir.
"AccessBank" bu il artıq Avropa Yenidənqurma və İnkişaf Bankından (AYİB) iki tranşla 25 milyon dollar alıb. Bu vəsait mikro, kiçik və orta sahibkarlığın maliyyələşdirilməsinə ayrılıb.