Azərbaycan, Bakı, 18 sentyabr /Trend, müxbir E.İsmayılov/
Azərbaycan Respublikası Dövlət Neft Fondu (ARDNF) ilin sonunadək səhm portfelini 700 milyon dollaradək çatdırmağı planlaşdırır. Trend-in məlumatına görə, bunu çərşənbə axşamı jurnalistlərə ARDNF-in icraçı direktoru Şahmar Mövsümov deyib.
Fond səhmlərə investisiya qoyulmasına 2012-ci ilin sentyabrında başlayıb.
"Hazırda Fondun səhmlərdə investisiya həcmi 200 milyon dollar təşkil edir", - Mövsümov qeyd edib.
Qeyd edək ki, ARDNF-in 2012-ci il üçün investisiya siyasətinə əsasən, Fondun vəsaitlərinin 5 faizə qədəri səhmlərə qoyula bilər.