Azərbaycan, Bakı, 20 sentyabr /Trend, müxbir A.Axundov/
Azərbaycan Vergilər Nazirliyi 2013-cü ilədək ölkəni vergiödəyicilərə xidmət mərkəzləri ilə tam əhatə edəcək. Trend-in məlumatına görə, bu barədə cümə axşamı jurnalistlərə nazirliyin Vergiödəyiciləri Xidmət İdarəsinin rəisi Elçin Məmmədov bildirib.
"Vergilər Nazirliyi 2013-cü ilədək ölkənin nazirliyin inzibati binalarının olmadığı bütün rayonlarında vergiödəyicilərə xidmət mərkəzləri yaradacaq. Bu mərkəzlər üçün binalar tikiləcək və ya icarəyə götürüləcək", - Məmmədov deyib.
Onun sözlərinə görə, hazırda ölkədə 34 belə mərkəz fəaliyyət göstərir, ümumilikdə isə cəmi 55-nin açılması planlaşdırılır.