Azərbaycan, Bakı, 20 sentyabr /Trend, müxbir C.Nəsibova/
İqtisadi İnkişaf Nazirliyi Bakı mağazalarında çörəyin qiymətinin bahalaşması haqqında məlumatı təsdiqləmir.
"Nazirlik yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin apardığı monitorinq çərçivəsində çörəyin qiymətinin bahalaşması faktları qeydə alınmayıb", - bu barədə cümə axşamı Trend-ə nazirliyin mətbuat xidmətinin rəhbəri Abbas Əliyev deyib.
Bu gün bir sıra KİV-lərdə yayılan məlumata görə, Bakıdakı mağazalarda çörəyin qiyməti 30 qəpikdən 35 qəpiyə yüksəlib.