Azərbaycan, Bakı, 27 sentyabr /Trend, müxbir R.Hafizoğlu/
Türkiyə hökuməti köhnə avtomobilləri utilizasiya edəcək. Trend-in yerli KİV-ə istinadən verdiyi məlumata görə, bu barədə cümə axşamı Türkiyənin nəqliyyat, gəmiçilik və kommunikasiyalar naziri Binali Yıldırım deyib.
Nazirin sözlərinə görə, köhnə avtomobillərin təkrar emalı üçün 350 milyon lirə ayrılıb. Mövcud layihə 12 ay müddətinə hesablanıb.
Nazir həmçinin əlavə edib ki, qurum metal tullantıları qismində əhalidən 1990-ci ilədək istehsal olunan avtomobilləri alacaq.
Yıldırım qeyd edib ki, layihənin reallaşdırılmasına parlamentin qanun layihəsini qəbul etdikdən sonra başlana bilər.
