Azərbaycan, Bakı, 9 oktyabr /Trend, müxbir C.Nəsibova/
Rusiya Mərkəzi Bankı Moskvada "Muğanbank"ın nümayəndəliyinin açılmasına icazə verib. Bu barədə çərşənbə axşamı Trend-ə "Muğanbank"dan bildirilib.
"Bankın Moskva nümayəndəliyi bir sıra texniki məsələlərin həllindən sonra cari ilin sonunda açılacaq", - bankdan deyilib.
"Muğanbank", həmçinin gələn il Ukrayna, Qazaxıstan və digər keçmiş sovet ölkələrinin bazarına çıxmağı planlaşdırır. "Bankın Türkiyə və Çin bazarlarına çıxması 2013-cü ildən tez gözlənilmir", - bankdan vurğulayıblar.