Azərbaycan, Bakı, 15 noyabr /Trend, müxbir A.Axundov/
Azərbaycan hökumətinin 2013-cü ildə xarici borclanma limitini ciddi azaltması Avropa Yenidənqurma və İnkişaf Bankının (AYİB) ölkədə əməliyyatlarına təsir etməyəcək. Bu barədə cümə axşamı Trend-ə AYİB-in Azərbaycandakı nümayəndəliyini rəhbəri Nil Makkeyn deyib.
2012-ci illə müqayisədə gələn il üçün borclanma limiti 1,3 milyard manat və ya 62,5 faiz azaldılaraq 750 milyon manat səviyyəsinə çatdırılıb.
"Bu bizi narahat etmir, çünki biz özəl sektora istiqamətlənmişik. Ötən il olduqca iri layihələr üzrə müqavilələr imzalamışıq", - Makkeyn qeyd edib.
Onun sözlərinə görə, Azərbaycanda infrastruktur sahəsində hələlik konkret layihələr yoxdur.
"Bir çox layihələrin olduğu özəl sektorda bizim xeyli perspektivimiz var", - Makkeyn deyib.