Azərbaycan, Bakı, 5 dekabr /Trend, müxbir E.İsmayılov/
"Azərbaycan Dəmir Yolları" QSC əsaslı təmir üçün Ukraynaya göndərilən vaqonların qalan hissəsini 2013-cü ilin aprelinədək alacaq. Trend-in məlumatına görə, bu barədə çərşənbə günü jurnalistlərə QSC-nin sədri Arif Əsgərov bildirib.
"Ukraynaya göndərilən 50 vaqondan 15 ədədi artıq Bakıya çatdırılıb və Bakı-Tbilisi xəttində istifadə edilir. Qalan 35 vaqon isə ölkəyə gələn ilin aprelinədək gətiriləcək", - Əsgərov qeyd edib.
Onun sözlərinə görə, hazırda 30 sərnişin vaqonunun Voronej Vaqon Təmiri Zavodunda təmir edilməsi üçün Rusiya Dəmir Yollarının nümayəndələri ilə danışıqlar aparılır.