Azərbaycan, Bakı, 12 yanvar /Trend, müxbir İ.Xəlilova/
2012-ci il ərzində avtonəqliyyat vasitəsi sahiblərinin mülki məsuliyyətinin icbari sığortası üzrə 917 370 sığorta müqaviləsi bağlanıb ki, bunların da 224 509-nu xarici ölkədə qeydiyyata alınmış və Azərbaycan Respublikasına tranzit məqsədilə daxil olan avtonəqliyyat vasitələri ilə bağlı olan və 1 ay müddətinə bağlanan icbari sığorta müqavilələri təşkil edib.
Trend İcbari Sığorta Bürosuna istinadən məlumat verir ki, bağlanmış icbari sığorta müqavilələri üzrə daxil olan sığorta haqlarının məbləği isə ümumilikdə 72 milyon manatdan artıq olub.
2012-ci il ərzində sığorta tələbləri üzrə həyata keçirilmiş sığorta ödənişlərinin ümumi məbləği 6,83 milyon manata yaxın olub.
2012-ci il ərzində "Avtonəqliyyat vasitəsi sahiblərinin mülki məsuliyyətinin icbari sığortası üzrə informasiya sistemi"ndə İcbari Sığorta Bürosunun iştirakçıları olan sığorta şirkətləri tərəfindən müvafiq icbari sığorta növü üzrə ümumilikdə 4535 sığorta tələbi qeydiyyata alınıb.
Qeydiyyata alınmış sığorta tələblərindən 4227-si üzrə sığorta ödənişləri həyata keçirilib, 32 sığorta tələbi üzrə sığorta ödənişi verilməsindən imtina olunub, 276 sığorta tələbi isə hazırda baxılma mərhələsindədir.
Sığorta tələbləri üzrə həyata keçirilmiş sığorta ödənişlərinin ümumi məbləği isə 6,83 milyon manata yaxın olub.
