Azərbaycan, Bakı, 30 yanvar /Trend, müxbir A.Axundov/
Dövlət Gömrük Komitəsi (DGK) ödənişlər üzrə illik proqnozun icrasını 1,38 milyon manat səviyyəsində gözləyir. Trend-in məlumatına görə, bu barədə çərşənbə günü jurnalistlərə DGK-nın sədri Aydın Əliyev gömrük xidməti işçilərinin peşə bayramına həsr edilmiş tədbirdə deyib.
"Ümid edirik ki, proqnoz yerinə yetiriləcək. Bunu idxalın artırılması və "Gömrük tarifi haqqında" yeni qanunun tətbiqi sayəsində etmək planlaşdırılır. Yeni qanun gömrük qeydiyyatı zamanı rüsumların dərəcələrini deyil, onların dəyərinin təyin edilməsinə dair mexanizm və qaydaları müəyyənləşdirir" , - Əliyev qeyd edib.
Onun sözlərinə görə, hazırda gündəlikdə gömrük dərəcələrinin dəyişdirilməsi məsələsi dayanmır.
