Azərbaycan, Bakı, 10 aprel /Trend, müxbir A.Axundov/
Azərbaycan Mərkəzi Bankı (AMB) ölkənin bank bazarına daxil olmaq istəyən Türkiyə banklarının müraciətinə baxmağa hazırdır. Trend-in məlumatına görə, bunu çərşənbə günü jurnalistlərə AMB-nin İdarə heyətinin sədri Elman Rüstəmov deyib.
"Biz böyük potensiallı və yaxşı reytinqli bankların gəlişinin tərəfdarıyıq. Belə ki, söhbət Azərbaycan əhalisinə bank xidmətlərinin göstərilməsindən, biznesin maliyyələşdirilməsindən gedir. Biz müraciətləri nəzərdən keçirməyə hazırıq", - Rüstəmov qeyd edib.