Azərbaycan, Bakı, 12 iyun /Trend, müxbir A.Axundov/
Azərbaycan Vergi Məcəlləsində növbəti dəyişikliklər nağdsız ödənişlərin stimullaşdırılması və nağd hesablaşmaların məhdudlaşdırılmasını əhatə edəcək. Trend-in məlumatına görə, bunu çərşənbə günü jurnalistlərə vergilər nazirinin birinci müavini Natiq Əmirov deyib.
Onun sözlərinə görə, bu paket müvafiq dövlət strukturları tərəfindən müzakirə edilir.
Əmirov bildirib ki, hazırlanan təkliflər əhalinin geniş təbəqələrini əhatə edir və onları nağdsız ödənişləri stimullaşdıran tədbirlər paketi adlandırmaq mümkündür: "Hesab edirik ki, təkliflər ilin sonuna müzakirəyə çıxarılacaq və qəbul edilərsə, gələn ildən tətbiq ediləcək".
