Azərbaycan, Bakı, 15 avqust /Trend, müxbir E.İsmayılov/
İlin sonuna kimi "Azərbaycan Dəmir Yolları" QSC daha əvvəl Ukrayna və Rusiyaya cari təmirə göndərilən 26 sərnişin vaqonunu alacaq. Trend-in məlumatına görə, bu barədə QSC-nin mətbuat xidmətinin rəhbəri Nadir Əzməmmədov bildirib.
Xaricə cari təmirə göndərilən sərnişin vaqonlarından 10-u Ukraynaya, 16-sı isə Rusiyaya (Voronejə) göndərilib.
Əzməmmədov bildirib: "Vaqonlar cari təmirə göndərilib və onlar ilin sonuna kimi ölkəyə gətirilməlidirlər".
Mətbuat xidmətinin rəhbərinin sözlərinə görə, bu ayın sonuna kimi Ukraynaya əsaslı təmirə göndərilən sərnişin vaqonlarının (15 ədəd) son partiyası da gətirilməlidir: "Ukraynaya əsaslı təmirə göndərilən 50 vaqondan 35-i artıq ölkəyə gətirilib və qalan 15-i isə bu ayın sonuna kimi gətiriləcək".